الدفه والمجداف

[رمضان مكى]

	الثانى عشر [وبعد لحظات رأيت كل اهل النجع يجرون ناحية النيل، ولا اراديا وجدت نفسي أجري معهم تاركا جدي وجدتي خلفي حتى وصلنا إلى الجسر (شاطئ النيل) وهناك تناهى إلى مسامعنا صوت الاستغاثة تعوي به الريح الشديدة التي هبت من الغرب (ياللمروة يا هوووووي... ياللمروة ياهووووي)، عندما وصلت للشاطئ كانت كل المراكب قد تحركت تسبقها مجموعة من الفلائك الصغيرة وفي آخر لحظة قفزت في مركبة الريس سمبو وهي تتحرك، وصلنا إلى موقع الحادث فوجدنا عدة فلايك صغيرة تتأرجح فوق صفحة النهر بعد أن قفز أصحابها في الماء ينتشلون الناس من النهر ويصارعون التيار قبل أن يبتلعهم واحدا تلو الآخر ، المركب الغارقة مقلوبة على رأسا على عقب وساريتها وقلعها لأسفل، وعلى ظهرها يتشبث بعض الرجال والنساء من ركابها المنكوبين، وعل مقربة من المركب عدد من الشباب والنساء والرجال يصارعون الماء ويسبحون بملابسهم المبتلة حتى يدركهم المنقذون، إمتلأت صفحة الماء بالسابحين والسابحات من الركاب والمنقذين ولم أتمكن من التفرقة بينهم إلا من ملابسهم فالمنقذون في سراويلهم بينما الرجال والنساء الذين غرقت بهم المركب في ملابسهم المبتلة، لم تمضي سوى لحظات مرت كأنها دهر كامل على الناس الواقفين على الشاطئ النساء يولولون وكبار السن من الرجال يحدقون من بعيد ويوجهون الشباب تم انقاذ جميع الركاب الا طفل رضيع سقط من أمه في الماء وحمله التيار بعيدا من بين يديها ولم يلبث أن ابتلعته الأمواج، وأمه هناك تصرخ وتولول وتأبى على الذين يحاولون انقاذها وانتشالها من الماء وهي تصيح فيهم (أيجا موجوسنا .. أسران دان فا كيندرين) "دعوني أغرق مع رضيعي"، كان (مرغنى) من بين الناجين، خرج بسلام بعد أن تشبث بحافة المركب وحاول حتى اعتلى على ظهر المركب المقلوب وجدناه هناك جالسا بملابسه المبتلة تعلو وجهه علامات الذهول، ومعه (شعبان بروكى)، عدنا إلى الشاطئ وخلع الناجون من الرجال ملابسهم المبتله وعلقوها على شجرة السنط الكبيرة المطلة على النهر، والتف الناس حول شعبان ليستمعوا ما يقوله للريس (سمبو) الذي بادره بالسؤال :"ايه الي حصل؟" قال شعبان:" كنت جاى من قريه (الدر) انا و(الجسار)" (يقصد صديقه الجزار)، اتفقنا مع بعض عشان نبيع شباشب جايبها من حلفا قلنا هناك التلامذه ح يشتروها .. دى كانت شوره مهببه ياريت لو ما رحتش، التلامذه لما شافوا الشباشب اشتروها كلها مننا، وكان فيه فرح في الدر فأخدونا لبيت الفرح ، ناس الدر افتكرونا فنانين جايين نحيي العريس . وانا اصلا مش فنان ومضربتش الطار طول حياتى و(جسار) كنت بشوفه بيضرب عود فى القعدات قلت يمكن هو حيغنى والليله تعدى.. المقصود دخلونا المندره وشباب الدر وشوية حريم اتلموا فى المندره وجابوا العشاء وبعد العشا جابوا لنا طارين انا مسكت طار وهو مسك التانى وانتظرته يبدأ بأى حاجه عشان الليله دي تعدى .. اصله اليوم كان باين من أوله انه مش ح يعدى على خير قلت له يا(جسار) قول اى حاجه .. ولكن مفيش فايده وبقيت فى نص هدومى اول مطبل وانا لخبط شويه الناس عرفوا ان احنا مش فنانين قلت فى نفسى لازم نخلص من المصيبه دى وقفت وقالت الله يخرب بيت الشباشب الي جابتنا هنا... فضحك الجميع .. وقلت يا اخوانا احنا مش فنانين .. احنا موضوعنا كذا كذا كذا...قام عزرونا وفى الصبح ركبنا المركب ووصلنا للمعبد ركب (مرغنى) معانا وكل الركاب من اهل البر الشرقى يعنى بتوعنا اللي كانوا بيتعالجوا فى العوامه فى البر الغربى وأول ما وصل المركب لنص البحر ، هوا شديد جاء من الغرب وقلب القلع والمركب وطرنا كلنا في الميه، والحمد لله إن كل الرجالة والستات بيعرفوا يعوموا، اللي مسك فينا في المركب واللي مسك فسي القلع لغاية ما جيتو حصّلتونا، تابع ( سمبو) بسؤال جديد في انفعال:"امال فين (جسار)" فرد (شعبان) باين عليه عام وطلع من ناحية النجع بتاعهم " ثم أخذ يتلفت حوله وهو يقول :"شبشبي راح في داهية والفلوس كمان راحت"، فضحك الجميع كان هذا اليوم مشهودا تجمع فيه أهل النجع رجالا ونساءا وأطفالا على الجسر وظلت النساء يبكين ويولولن ولم يهدأ لهن بال حتى تم انقاذ جميع ركاب المركب المنكوب، وهناك ظهرت همم الرجال وقت الشدائد وتحول لحظات الحزن الى بسمه على وجوه تهنئة بسلامة النجاة عدا ام الطفل الرضيع التي ظلت تبكي بحرقة وهي تنظر للنهر في عتاب فبقى الكل حولها لموساتها، وقفز الشباب والرجال المعرفوفون بمهارتهم في الغطس للماء بحثا عن طفلها، ولم يترك الناس مكانهم عند الشاطئ إلا بعد انتشال جثة الطفل وارتفعت أصوات الرجال بالتكبير والحوقلة وأصوات النساء بالبكاء والعويل مواساة لأم الطفل الغريق. وصل (الطفل راكب الحمار) باحثا عنى وسط الزحام وابلغنى بان الجد فى انتظاري امام الزريبه فى الزرع فركبت معه وهناك وجدت( احمد افندى) ساعى البريد مع جدى تحت شجرة السنط جالسين وأمامهما كيس كبير يحمل فيها الخطابات الواردة ليوزعها على أصحابها، وسلمت عليهما وجلست قريبا من جدي الذي يمسك في يده بمظروف يبدو أنه استلمه من ساعي البريد فقال (أحمد أفندي) وهو يهم واقفا ليكمل توزيع ماتبقى من رسائل:"انت مبسوط معانا فى البلد " فرددت بابتسامة :" الحمد لله" فقال وهو يبتعد عنا :" ح أروح أطمئن على الناس اللي كانوا في المركب اللي غرقت".. وأردف .."اعطيت (جدك) جواب يمكن يكون من والدك لأنه وصل فى البوسطه الى جايه من حلفا" فزقفت مودعا عم (أحمد افندي) عدت لجدي فأعطانى الخطاب فى عجله يريد ان يعرف مابها من خبر واردت ان اجلس فقال الجد:" افتح الجواب الأول قبل الجلوس " ..ضحكت وفتحت الخطاب وبدأت أقرأ بصوت خافت ... . (بسم الله الرحمن الرحيم) الوالد العزيز الحاج (مندول) والوالده المصونه الحاجة ( تميمه) والابن الغالى (معتصم) السلام عليكم ورحمة الله وبركاته اهدى اليكم وما الهادى الا قلبى وابعث اليكم وما الباعث الا حبى فمن القلب تحيه ومن الاعماق اعطر سلام عسى ان تكونوا بخير وبصحه جيده كما نحن هنا والحمد لله على مايرام ولا ينقصنا الا رؤياكم الغاليه .. وفى هذه اللحظه وصلت الجده وأرادت ان تقاطعنى كان الجد منصتا فأدار بصره ناحيتها بنظرة ذات معنى فجلست الجده دون تعليق وبدأت فى استكمال قراءة الخطاب.. " الا رؤياكم الغاليه.." فأشار جدي بيده فتوقفت فأمرني لاعادة قراءة الخطاب من البداية من أجل خاطر جدتي.. فأعدت القراءة من جديد بصوت أعلى .. وأكملت:" ولا ينقصنا الا رؤياكم الغاليه ، والاولاد هنا بخير وسنكون طرفكم في البوسطه القادمه بإذن الله بعد أن ننهى عملنا فى الغربه، والدي الحبيب .. قرأنا هنا فى الجرائد ان بلدنا ستهّجر بالكامل ومعها جزء من منطقه النوبة السودانيه ، ولذا فقد قدمت الاستقاله من العمل لنكون معكم فى هذه المحنه التى كنا لانتوقعها فلا نعرف كيف ستتم ولهذا اقتضت الضروره ان اترك عملى وأضحى به واستقيل رغم مرتبى العالي ووصولى الى ارقى الدرجات فى السلم الوظيفى وكله يهون من اجلكم يا والدى ويا والدتى فانتم قرة أعيننا وسنكون معكم سواء هاجرتم او بقيتم صامدين وليفعل الله بنا ما يريد لأن ما يختاره الله هو دائما الخير، ولكنى اشم رائحة تهجير بالفعل وربنا يجعل العواقب سليمه حتى لقائى بكم اهدى سلامى الى اخواتى العزيزات عائشه وكريمه وسعيده وعبودى الصغير ومصريه . ملحوظه سيحضر اخى (حلفاوى) من مصر بأولاده قريبا لتشهيل مهمة الرحيل ولا ندرى الى اين الرحيل والسلام ختام ...................إبنكم (مصرى) من السودان أنهيت قراءة الرسالة ونظرت أمامي فوجدت الجد جالسا القرفصأء واضعا يديه على راسه أما جدتى فقد ظلت صامتة تنظر في الفراغ، ثم قامت متثاقلة وتحركت ناحية البقرة العجوز واحتضنتها وأخذت تربت عليها وذهبت ناحية النخيل وتلمستها نخله نخله وأخيرا وضعت رجليها فى ماء الجدول وأخذت تتلفت ناحية اليمين تارة واليسار تارة اخرى . وفجأة بدأ الحمار ينهق فأفاق الجد من صوت الحمار فوقف متثاقلا، أما انا فقد ازدردت ريقي ولجمت دمعة كادت تفلت من عيناى ومر امامى شريط من الذكريات الجميلة لدفه عم (سمبو) والمجداف ومرغنى واحمد افندى و البوسطه وآرتى شطاوى و( شرقى) والاعياد والايام الجميله والافراح (الين تود) و(البرسى)( وعبد البين ) و(سكينه غليب)عم صالح الحداد وصالحبن وهبت ريح (جنّب) خماسينية مفاجئة فطار منى الخطاب فجرى (عبودى) لامساكها فنهره جدى طالبا منه ان يتركها فطار الخطاب يتلوى مع الريح ويصعد أعلى فأعلى ونحن واقفون حتى غابت عن الانظار فى سماء قريتى وكان عبودى متحيرا لما اصابنا من دهشه فقال :"ياخالى . فيه إيه؟؟" واقترب مني وامسك بيدى ويد جده فشرحت له ما فى الخطاب فرفع راسه ناظرا الينا حتى وقعت طاقيته و لم يشعر بها وتغيرت ملامحه وهو يقول:" يعنى ياخالى ح نسيب بلدنا؟؟" وأردف بعدها بتساؤلات سريعة متلاحقة:"والحمار ح ييجى معانا..؟ والبقرة ح تروح فين ؟.. والبيت كمان ح نسيبه؟ ..و المدرسه ح تقفل..؟ ومش ح نشوف اصحابى؟؟؟" دمعت عيني من تساؤلات عبودي .. هذا الطفل البرئ، وكانت الجده تسمع مادارمن حديث فاتت وحضنته و قبلته وملست على شعره والبسته طاقيته فترك حماره وجلس على حجره كبيره وخلفه الزريبه متحيرا يحدق في السماء وكأنه يبحث عن الخطاب الطائر. اما نحن فقد جلسنا وكأن على رؤوسنا الطير وفى لحظه عدت من شرودى واخذت جدى (مندول) والجده (تميمه) و الصغير (عبودى) الذي أبى ان يركب حماره فترجلنا الى منزلنا، وطوال الطريق بدى الجد فى حالة يرثى لها وتصبب العرق على وجهه بغزارة فرجوته أن يجلس وانتظرناه حتى عاد يمشى ولكن محني الظهر حتى وصلنا إلى البيت، جرى (عبودى) واخرج برشا على المسطبه وجلس الجد ينظر ناحية الزرعات والنيل والنخيل واشرعة المراكب والمسجد والميدان الكبير ومعبدى ابوسمبل صامتا ولم يجرؤ أحد على الكلام

[/co[/size]lor]

[رمضان مكى]

	الجزء الثالث عشر الفصل الثانى انتشر الخبر عن طريق الخطابات الاتيه من حلفا وكلها تتكلم عن الهجره وفى المساء اجتمع اهل القريه امام منزل العمده حاملين رسائلهم لكى يتيقنو من الخبر واخرج العمده خطابا ارسله صديقه عمدة حلفاوتاكد الجميع من صحةالهجره وتغيرت وجوههم وجلسوحائرين انتهت الامال وخيم على القريه حزن وحتى الاطفال امتنعو عن اللعب أمام منازلهم والميادين وتفرقة مجموعات الرجال والنساء الذين كانو يتأنسون خلف حيطان المنازل أمنين وعلى ضواء القمر تحولت اليله المقمروكانها ظلام دامس فلا صراخ لطفل رضيع ولا صيحت ديك وحتى نباح الكلا ب توقفت اصوات السواقى وحركة الشواديف ووحتى نقيق الضفاضع وسكن النيل هادى"كبركة من الزيت ولاحركه لمراكب ولاشراع سكون غريب عدة الى المنزل لأرى جدى(مندول) و الجده( تميمه) و(عبودى) التقيت بالجده امام الباب سالتها عن الجد فقالت جدك نام وهوتعبان شويه فدخلت عليه فى غرفته وشعر بى مددة يدى إليه فامسك بى وجلس على السرير وأحضر عبودى مسندين خلف ظهره وأحضرة( الجده) قدح من الشوربه أبى أن يشربها وبعد إصرارنا تناول قليل منها وأبى فسالنى كنت فين شرحت له ماحدث وأن العمده بيسلم عليك. الله يسلمك ويسلمه رد قائلا كل الناس عرفة قلت بالطبع الناس مستائه وتعبانه خالص يا (جدى) قال الصباح رباح( يامعتصم) يبنى والحياه مش حتقف وربنا يعمل اللي فيه الخير و تركناه ليستريح ونحن خارجون من الغرفه (يامعتصم )جيب الراديومن المنضره جرى عبودى وأحضر الراديو أفتح عشان أسمع شويتة قرآن(__________________) وتركناه ليسترح و فى صباح اليوم الثانى . قمت على طرقات الباب مسرعا فوجدة العمده وشيخ الخفر وأعيان البلد منهم الشيخ (داوود) سألونى عن جدى فقلت؟نائم قال( العمده) مش معقول (مندول) ينام لحدى دلوقتى ودخل الى الدهليز وصفق بيديه سمعت الجده ورحبت بهم وتفضلوافى المنضره وحضر( الجد) العمده ايه يراجل انت عجزت وله آيه سلمو عليه وجلس وكانت ظاهرا عليه االأرهاق والتعب فقال شيخ الخفر أنت تعبان ياشيخ( مندول )التعب باين عليك. رد الحمد لله (العمده) خبر الهجره أنتشر ووصلنى خطاب من (حلفا)وده شىء مؤكد الموضوع دخل فى الجد الناس توقفو عن العمل كل المزارعين فى البيوت ولازم نشوف حل (الجد) مؤكدا" الناس وقفو اعن العمل كل البلد. شيخ( الخفر). الاطفال بيسقو البهايم ومفيش حد من الكبار ظاهر وقف (الجد) وكانه سعق من الخبر وكان شىء لم يكن نسى وعكته الصحيه واتجه بصره ناحية (العمده) اليوم بعد صلاة الظهر يتعمل اجتماع بالناس أيه رآيكم الكل متفقون دخلت( الجده) ومعها صينيه الشاى وسمعت الجزء الأخير من النقاش وقلت (مندول) أنت تعبان حتروج الاجتماع إزاى رد قائلا، انا فى كامل صحتى ومش حنام أبدا" لحد منشوف حل. وبعد تناول الشاى خرجوا جميعا" الى المسجد ودعو الشباب والكبار وكانت على وجوه الناس كأبه ولن يلفظ أحدبأى كلمه. بداء( العمده ) قائلا كل ماسمعتوه صح فيه هجره بسى الدنيا مش حتقف لازم كل واحد يشوف شغله لحدمنشوف أيه الى حيحصل(صالحين ) ياعمده فى خواجات كتيره فى المعبد وبينزلو مكنات كبيره ومعاهم أمتار طويله بيقيسو الأرض و(سمبو) كان معايه (سمبوا )ايه ياعمده المعبد حيودوه فين (العمد) أيوه يبنى حيرفعو المعبد عشان ميغرقشى (سمبو) حيرفعو المعبد ويسيبونا نغرق . لايبنى احنه حيهجرونا . يعنى حنسيب بلادنه ايوه( ياسمبو) لاحوله ولا قوة الا بالله لو غرقنا احسن ياعمده ودمعت عينيه ......( صالحين ) البلد دى كله حيغرق وجبل( مشه كيله )كمان و( جبل مشن كيد) ياساتر يارب يعنى فى مصيبه جاييه وكرريعنى فى مصيبه جايه (العمده ) أهدو ياجماعه مش عارفين ايه الى حيحصل وربنا يقدم الى فيه الخير الشيخ( مندول) الموضوع سابق اوانه ومحدش يقف عن اكل عيشه حنزرع ونسقى ومش حنسيب بلادنه والى يحصل يحصل فوقف الجميع وكأن عا دة إليهم الروح سنعمل سنعمل حتى اخر العمر وبدأت القريه تعود الى طبيعتها ولكن بانفسم الخوف وتشعر على وجوههم كأبه وكأنهم مجروحين .وفعله يعملون غا صبين وبعد الاجتماع ظهرة فى القريه لأول مره انقسامات . إلى مجموعتين جبهه تريد البقاء واخرى تأيدالهجره

[رمضان مكى]

اقتباس:

ناسف لتكرار الحلقه
تحياتى رمضان مكى

[رمضان مكى]

	الرابعة عشر وانصرف الجميع بقى الخفر بالفرنده تعالى ياشيخ( مندول) اقترب اليه الجد (لعمده ) شيخ مندول ندخل المندره العمده تعالى يامعتصم معنا وبقى الغفر خارج البيت فى الفرنده (العمده) امبارح لقيت جواب مرمى جنب الباب الكبير الصبح بعد الصلاة قريته محبتشى اطلعه جنب الناس وبالذات الشباب اقراء الجواب يامعتصم يابنى لجد ك يقول فيها التغيير واجب سنعيش هناك عيشة رغده مبانى جميله ومبنيه على احدث ط راز اسقف مصبوبه ليست من افلاق النخيل وزعفها ومبانى من الاسمنت المسلح حيطانها من الحجروليست من الطين وحظائر للمواشى داخل البيوت وهناك الاناره ووداعا للمبات الجاز والشوارع كلها مضائه فلا لدغ عقرب ولالسع ثعبان فلا تجد هناك برصا" ولاصرصار ولاناموس ولا دبان أسودكمان وناهيك عن نقنقة الضفاضع واصوات السواقى التى تزعج النائمين ونبتعد عن الفيضان اللعين الذى يهددنا من الاف السنين وسنركب العربيات بدلا من المراكب والحمير فلا غرق ولاعلف للحمير ناهيك عن الارضى التى تقاس بالفدادين بدلا من القيراط والقيراطين سنزرع طول السنه بالمكن بدون انتظار سقاية فلان وبدل البلح حنزرع رمان وحيدخل من القمح ارادب ومفيش هناك قسمه لفلان ولاعلان كله حياخد حقه تمام التمام وبالزياده كمان حنزرع قطن والمراتب ببلاش وحنزرع قصب والسكر حيبقى بالشولات فى بيوتنا حنشيل الدوكه وحنجيب عيش مصرى من الفرن كمان لاست حتتعب ولابناتنه كمان والميه حتكون جوه البيت لحد الزيربالحنفيه وميه نظيفه زى الكهرمان ايدو ياعمده الهجره لراحت ناسك ومتكونشى انانى وحاقد كمان انت مبسوط عندك حشم وخدم وغفر يحرسوك كمان والسلام ختام وتمام ياعمده تمام ( العمده) ايه رايك يا شيخ (مندول) (الجد) عين العقل انك مطلعتش الجواب قدام الناس ده كان حيحطم همتهم والى باعت الجواب ده مش هين دى حاجه مقصوده( ياعمده) وطالما الجوب بالشكل ده الناس حتتعب لو فى هجره كل الكلام حيبقى معكوس (العمده) انت مش مصدق ان فيه هجره لحد دلوقتى ايوه ياعمده خلينى كده مصدقشى واعيش بقيت عمرى فى حلم فوقف( الجد ) استأذنك ياعمده وترنح ولن يثبت وجلس مرة اخرىحاولت ان اسنده نتر يدى ووقف ساندا" على عكازه ووقف ممشوق القوام حتى ان تمكن من الوقوف وخرج ناحيت الفرنده وخلفه العمده وانا واتو الغفر حمار العمده لتوصيله الى المنزل فأبى وقال العمده اتركو مندول على راحته فرد الشمسيه وتحرك قاصدا" الزراعات وانا معه وبقى يردد مع نفسه مين الي كاتب الجواب ده يا(مندول) ايه الحكايه الموضوع دخل فى الجد باين ونظر ناحيت اليمن الى جبلايه صغيره خارجه منها حجرة كبير بارتفاع مترين تقريبا" تظلل جزء كبيرا"وتشبه مغاره بسيطه وبها كوم من الرمال الصفراء الجميله فوقف امامها قفل الشمسيه وجلس على الرما ل وجلست معه شعرت ببرودتها وهواء نقي شىء غريب فمدد رجليه وتكأ بيده على كومة الرمال وسند بسبابت يده عمامته ووضع الشمسيه والعكاز بجانبه وقال ( يامعتصم) المكان ده كنا بنيجى فيه واحنا صغيرين انا والعمده ومجموعه كبيره من اقرانا والله يرحم اللي مات منهم يعنى (الموليه )ده يقصد الجبل جزء من طفولتنا كنا نلعب قدام (الموليه)(الهندكيه)لعبة الهجاله ولما نتعب نستريح هنا فى الرمل البارد ده وانت شايف المنظر جميل . شوف هناك سواقينا ونخيلنا وعبودى بيسقى الحمار بتاعه وجدتك عند الزريبه وصالحين بيسقى والساقيه دايره وكل الناس رجعوا لأشغلهم شوف يا أ بنى النخيل والمراكب والمعبد وبعد ان اخذ قسطا" من الراحه ترجلنا ناحية الزراعات استقبلتنا الجده ضاحكه الحمد لله الناس رجعت لاشغالها فرد (الجد)الحمدلله وصل( صالحين )و(عبودى) راكدين اتجاهنا وسلموا علينا واخذنى صالحين ناحيت الساقيه. وقال عم مندول متغير شويه فيه ايه فقلت لاشىء وتجهنا ناحية جسر النيل واتى ( الجد ) خلفنا فجاة تلاطمت الأمواج واهتزت المراكب ودخلت المياه جروف السواقى وامتلات الفلائك الصغيره الراسيه على ا لشط وتلخبطت شباك الصيادين وتعثروا فى فكها واستخلاص السمك منها وخرج الصيادون باعجوبه من النيل قاصدين البر ولن تتركهم الامواج وقزفتهم مع فلائكهم على جسر النيل وهذا بسبب( الهيدروفيل) الذى اتى فى التو والحظه دون سابق ميعاد ومن المعروف انه كان يصل فى يوم محدد ومعلوم من ايام الاسبوع وكان كل من يعمل فى النيل سواء روئساء مراكب او اصحاب فلائك يعرفون يوم وصوله فيأمنون على مراكبهم والصيادون كذلك وضرب( الهيدرفيل) الصفاره المميزه وجرى المزارعون الى الشط لوصوله فى يومه الغير معهود ورسة امام معبد ابوسمبل الكبير وهدأت الامواج شىء" فشيأ ونحن ننظر الى البر الغربى تنزل منها مجموعه كبير نرى مركبة (سمبوا) تتحرك وكانت راسيه فى البر الغربى امام المعبد ومتجهة الينا للبرا لشرقى فنتظر الجميع حتى وصوله واما(الجد) مسح نظارته ولبسها ووقف يحملق وتجه ناحيتى وقال دول ناس غرب ومش خواجات(يامنتصر) لان ( سمبوا) بيودى الخوجات من البر الشرقى للغربى والنهارده مفيش خواجات جائو من حلفا( وكباره ) مش موجود فى البلد ولا عند الشيخ( داوود) وعربياته مش هنا اكيد فيه حاجه الضيوف دول غير عاديين يا (معتصم) وانا شايف دول لابسين بدل وكرفتات كمان وفيهم ناس لابسه طر ابيش فتحير كل من فى الجسر واقتربت المركبه شىء فشيأ حتى ان وصلت الى الشط مكان المرسىء تجمع الشباب مساعدتا للعم(سمبو)منهم من يمسك الحبال ومنهم من امسك با لثقا له وساعدو الضيوف بالنزول الى المرسى وكل منهم يحمل دفاترا" كبيرا"غير حقائبهم وكراتين فيها زادهم فتحرك كبيرهم لاعطاء (سمبوا) حق التوصيله فابى ان ياخذ منهم مليما "واحدا" وقال انتم ضيوفنا وضيوف البلد تعجب( الافندى) فنظر إليه وقال هذا حقك ياريس سمبوا (سمبوا)ده كرم ضيافه يا(افندى) احنا مبنخدشى فلوس من الضيوف

[رمضان مكى]

الخامسه عشر

ملخص ما سبق
وبعد وصوول اللجنه على مرسى النجع بمساعدة الشباب لترسو المركبه
دار حوار بين (الشيخ مندول) ورئيس الموظفين
الخامسه عشر
(الافندى) العمده مجاش ليه (الجد) لان محدش قال له ،ان حضراتكم جايين
(الافندى) طيب وانت جيت ليه
(الجد )من حظك
(الجد مندول )اصلا" انتو مين وبتسالو الأسئله دى ليه
فتجمع الشباب حولهم يسمعون ما يدور من حديث بينهم
فبحثت عن (عبودى) وسط الزحام وارسلته الى العمده بتبليغه
بوجود ضيوف مهمين فى المرسى
(الافندى) احنا جايين من القاهره لتعداد السكان مكلفين من قبل الوزاره
( الجد مندول) وزارة اييه
(الافندى) وزارة الشئون الاجتماعيه
وفى اللحظة أرسل العمدة شيخ الخفر ومجموعه من الخفر ليحملوا أمتعتهم ويستضيفونهم فى مجلسه
(شيخ الخفر ) تعالى معانا ياشيخ( مندول ) فرفض الذهاب معهم
بحجة انه كان عند العمدة من شويه
(الجد مندول) روح يا معتصم وخليك معاهم فى بيت العمده
وريحوا الضيوف وأنا رايح البيت استريح شويه
وخدوا الركوبتين بتاعتى وبتاعة(عبودى)ووصلوهم
ورحب العمده بهم وسألنى عن الجد (مندول)
قلت انه قابلهم وبيعتزر لك فبتسم( العمده)
وجلس الضيوف فى الفرنده واحضرنا لهم( كرج )طبق من(الأسليه ) الفشارواخر من التمر ( الاغونديله) نوع من البلح
وبعده طقم من الشاى النوبى
حتى تحضير وجبة الغداء ففوجأ الموظفون بالحفاوه وكرم الضيافه وطريقه تقديمها لهم وعلى وجوههم الدهشه بالأخص( الأفندي )كبيرهم
الذى احتك مع جدى ( مندول ) فى المرسى
حضر اعيان البلد وكبار السن والمدرسين وبعض الموظفين
منهم من فى الرى والصحه ووكيل البريد و ومشايخ البلد والخفروجلسوا على دكك طويله فى( الفرنده) مع الضيوف وتعرفوا على ضيوف القريه
(العمده) فين جدك (مندول)
يامعتصم 00مجاش لحد دلوقتى
ابعت (عبودى) يجيبه
اخذ عبودى الحمارين وذهب لاحضار الجد
وبعد مدة" ليست بقليله
(شيخ الخفر)
( الشيخ مندول) وصل
فلتفت العمده " الى الخلف وهو جالس على الكنب وامامه رئيس اللجنه رآه وابتسم
راكبا حماره العاتى بسرجه وبرسه و لجامه
هممت ناحيته وامسكت باللجام ونزل من حماره مستندا بعوكازه

واتجه ناحية الجالسون فوقف الجميع لترحابه
وسلم عليهم وجلس بجوار العمده
الجد (مندول ) ايه الخبر ياعمده
فتدخل ( الا فندى ) ياعمده انا أبلت الشيخ (مندو) على المرسى
( الجد) الشيخ( مندوول) مش( مندو) يا (أفندى)انت
الاول عرفنا انت بنفسك
(العمده) صلوا على النبى ياجماعه
الجميع اللهم صلى عليك يا نبى
الاستاذ (معروف جميل) رئيس اللجنه ومن مصر
الأستاذ( حميد المنياوى) نائب رئيس اللجنه من المنيا
والاساتذه خالد وسمير ومحسن من مصر

الجد(مندول )أهلا" بيكم فى بلد كم وبين اخواتكم
اهل النجع الشرقى
(الافندى )رئيس اللجنه وقف وسط الجموع
وقال : الساده الحضور يشرفنى ان اكون بينكم فى هذه المهمه التى كلفنا بها
انا وزملائى من قبل وزارة الشؤون الاجتماعيه
بحصر مبدئى وليس بالنهائى لقريتكم عامه وهناك مجموعه اخرى بالبر الغربى بنفس المهمه
فالأمر يتطلب منكم ان تساعدونا فى هذا الحصر بكل صدق وامانه
ومعروف ان اهل النوبه مشهورين بأمانتهم وصدقهم وكرام ضيافتهم وهذا ما عهدناه الأن بينكم
فارجو ان يتقدم الساده المدرسون باسمائهم لتكوين لجان وعلى رأس كل مجموعه سيكون موظفا من قبل الوزاره معهم وهم معنا الأن كما تعرفتم عليهم
واكرر ان الحصر حصر مبدئى
وشكرا"
وللموجودون الأن وقت الحصر فقط بكل
[/frame]
[/frame]
[/frame]
[/frame]

[رمضان مكى]

	السادسه عشر-------------------------------------- الجد (مندول) حصر مبدئي يعنى آيه يا( افندى) (العمده) ياخى الافندى كلامه واضح يعنى اللي قاعدين دلوقتى فى البلد الجد( مندول)فرضنا واحد راح حلفا وقت الحصر عشان يتعالج ده مش حيتكتب فى الحصر ( الافندى) يا(شيخ مندول) انا كلامى واضح الجد( مندول)الكلام ده مش مظبوط (العمده )فى الحصر التانى كل اهل القريه ح يوصلوا واحنا حنبلغهم قبل الحصر (الجد مندول) منكتب كل الناس وخلاص وبعدين فى الحصر التانى تكون عمليت مراجعه (الافندى )احنا مكلفين بالحصر الواقعى فقط (العمده )يا شيخ مندوول انت قلقان ليه ياعمده فى حاجه مش تمام وانا حاسس بيها (العمده )متحطش العقده فى المنشار عشان دول موظفين وليهم مده معينه فبلاش تعطيل وعندهم اوامر مشدده من قبل الحكومه الجد( مندول ) انا قلت مايمليه ضميرى وبس ووقف مغادرا" المكان فمشيت خلفه وركب حماره وقال لي خليك مع جدك ( العمدة ) والضيوف ومشى معه (عبودى) وتم تكوين خمس لجان على عدد الموظفين من المدرسيين والموظفين وانتشرت المجموعات داخل البلد لعمل الحصربدفاترهم الحكوميه الكبيره وكان من نصيب نجعنا اللجنه الاولى يرئسها كبير الافنديه ( معروف جميل) ومعه مجموعة المدرسيين الذين رشحوا لاستكمال المهمه (الافندى) البيت ده بيت مين يا(معتصم) بيت جدى(مندول) فطرق على الباب خرج الجد (الجد ) اهلا وسهلا اتفضلو (الافندى)الشيخ مندول اهلا وسهلا" (الافندى) البيت ده بيتك ردعليه طبعا" (الجد ) اهلا وسهلا اتفضلوا (الافندى) على فكره ده اول بيت فى الحصر بالنجع (الجد ) كويس خالص اتفضلوا أدخلوا المندره جلس الكل (الافندى) فيه كام اوضه؟ (الشيخ مندول) المندره اللي انتم قاعدين فيها(1) اللي فى الوش ديه غرفة الضيوف (2) والدهليز==============(3( وفى اللحظه أحضرت( الجده) الشاى وتوقفوا قليلا عن الحديث وتم توزيع الشاى لهم وعاود (الافندى )فى السؤال ياشيخ (مندول ) عايز تحط الطرقه دى فى الحصر (الجد)امال ايه مش مبنى تبع البيت (الافندى )انا كلامى واضح الحكومه باعتانه عشان نحصر غرف يعنى اماكن اعاشه مش طرق ودهليز فتدخل احد المدرسين من ابناء البلد هو مش حيقدر يضيف حاجه لان دى تعليمات جايه من الحكومه الجد(مندول)يعنى انت كمان ماشى على كلامه ياخسارة التعليم بتاعكم انتو خايفين من ايه خلي الحصر يوقف والمسؤولين الكبار خالص ييجوا ونقولهم على مطالبنا وتكون واضحه ياشباب (المدرس ) ياشيخنا ده حصر مبدئى الشيخ( مندول) احنا منضمنشى ان الحصر ده الأول ولا الأخر (المدرس )ده كلام حكومه ودول بيكلموا على لسان الحكومه (الافندى)ياشيخ مندول انت عندك كام غرفه الجد (مندول) طالما مفيش أمان قوموا عدوا الغرف أنت واللجنه بتاعتك فدخلوا جميعا إلى الحوش (الافندى) رآى الجده داخل الحوش اهلا ياحاجه اسمك ايه (الجده )تميمه يا افندى (الافندى)اللي انت واقفه جنبه ده ايه (الجده) ده الديوانى (الافندى) للمدرس ده تتحسب ايه اوضه ولا طرقه طويله (معتصم )ده أهم جزء فى البيت وانت شايف تجهيزه عباره عن متحف نوبى مصغر المفروض انه يتحسب بيت ده مش أكبر من شقق مصر (الافندى)ماعلينا نحسبه غرفه وايه الاوض الصغيره اللى من الداخل ده حمام ودى غرفة العريس والعروسه اثناء الحديث وصل (الشيخ مندول ساندا على عوكازه (الافندى )الاوضه دى ايه ؟ (الحاصل يعنى ايه الحاصل يعنى مخزن (الشيخ مندول) يا افندى انت اكتب اللي حتكتبه وبس لان الحاجات دى حيطول شرحها انت عايز سنين عشان تعرف الحاجات دى لأن ده( تراث امه) (الافندى)انا شايف(الشيخ مندول) متعصب شويه احنا بنسأل من باب المعرفه (الشيخ مندول)المفرض قبل ماتيجى تكون عارف كل حاجه عن البيت النوبى والنوبيين مش وقت الحصر تسأل على العموم ما علينا كمل حصر يا أفندي وربنا يجيب العواقب سليمه--------------------------- السابعة عشر (معتصم) ياجدى ريح شويه خليك فى المندره خلاص يا معتصم كمل معاهم غرف نوم والاوضه الكبيره دى ايه زريبة بهايم الافندى)ممكن اشوف الأوضتين الأخرانيين أتفضل باين ده المطبخ لا يااستاذ لاء ده غرفة الخبيز الافندى انتو معند كمشى مطبخ ؟عندنا مطبخ وحمام كمان غير اللي شفته فى الديوانى المطبخ موجود الغرفه اللي جنبها الافندى تمام التمام عادت اللجنه من الحوش الى المنضره مره اخرىوالجد فى انتظارنا (الافندى) عدد الافراد كام ( الشيخ مندول) اتكأ على العنقريب وجلس صانطا لسؤاله وقال شوف يا(افندى) البيت ده بيتى انا والحاجه (تميمه ) بس والبيت اللي ملصوق معايا بيت ابنى (حلفاوى ) واولاده و البيت اللي من وراه بيت ابنى( مصرى) واولاده ونفس المساحه والتقسيم كمان زيه بس فى اوضه ناقصه فى بيت مصرى يعنى مش كامله وبقية البنات متزوجين فى النجع الشرقى والغربى باولادهم وحيتحصروا هناك (وعبودى) معاهم نهاية المطاف ده بيتى انا والحاجه (تميمه) (الافندى) طيب اولادك موجودين؟ (حييجوا إنشاء الله خلا ل الأيام الجايه (الافندى )مش مهم حتى لو محصلوش الحصر ده حيتكتبوا فى الحصر الجاى متشلشى هم يا شيخ (مندول) الافندى للمدرس اكتب عدد الافراد اثنين الشيخ مندول وزوجته وهم كبار فى السن وخرجت اللجنه متجهه الى البيوت الاخرى (الجد)يا معتصم خليك مع اللجنه ووريهم بيت الحاجه (شريفه)وبقية البيوت وطرقنا الباب وخرجت الحاجه( شريفه) وحفيدها وتذكرت يوم لسعة العقرب ورحبت بنا وكانت مجهزه كرج من الاسليه وطبق اخر به بلح قدمته كواجب ضيافه وارادت ان تعمل لنا شاى فرفض الكل معزرة لانهم فى عجاله (الافندى )ده بيتك ياحاجه ..ايوه يبنى والعيل الصغير ده حفيدك ايوه يبنى ممكن نشوف البيت من الداخل اتفضلوا (الافندى ) ياه البيت كبير اوى مين معاكى انا والولد الصغير فين اولادك كلهم مسافرين وعندى بنت هنا متجوزه فى النجع التانى (الافندى) خلاص حنحصرها مع جوزها لان فى لجنه بتحصر هناك سؤل اخير فين جوزك متوفى يابنى يعنى لوحد ك فى البيت ايوه والولد الصغير بيتهم ملصوق مع بيتنا بسى ابوه وامه فى مصر خلاص حنحصرهم فى الحصر الجايي لما يجوا بالسلامه والبيت ده حنكتبوه باسمك يا حا جه كتر خيرك يبنى ومتشكرين وربنا يطرح فيك البركه ويخليلك اولادك (الافندى للمدرس )اكتب عدد الافراد (.واحدة.)سيده كبيره فى( السن) وكانت الحاجه شريفه مبسوطه لان البيت اتكتب باسمها وتحركت اللجنه إلى مكان آخر داخل النجع (الافندى )ده مش بيت ده زريبه (المدرس) ده زربية(كاوان الحلبى )بيحضر موسم البلح فقط ولكن هو موجود الان لشحن بلح الموسم فى الصندل القادم الى اخذه كهبه من اهل البلده وبنكون مبسوطين بوصوله لان الاطفال لو مجاش بيسأ لو عليه فى الموسم عشان الربابه لبيع شويت بلا لين فخرج من الزريبه هذا الرجل ومعه سبعه من الاطفال وامهم (الافندى )اسمك (كاوان) لا يابيه دأسم الشهره اهل البلد سمونى كده عشان اناراجل غلبان وانت شايف اورتطة الاولا د مفيش ..عندك غرف لا يابيه منين بس الجزء المقسوم ده.. للحمار بتاعى بسرح بيه كل يوم وبجيب لقمه للعيال معندكشى اي معيشة لايابيه على باب الله (الافندى) طيب الأرض دى بتاعة مين الله يكرمه الشيخ (مندول) عملى الزريبه وسكنى فيها لما شاف حالى ( الافندى) للمدرس اكتب عدد سبعه اولاد قصر بالاضافه الى ابيهم الكبير فى السن والام يعنى تسعه افراد وومساحة الزريبه صغيره ولا تتحمل سكن فردين (كاوان )شكرا" يا سعادة البيه ربنا يطولنا فى عمرك (الافندى )اسمك بالكامل(كامل بسطاوىجابر) والست (بهيه عبدالموجود) وعادت كل اللجان بعد الحصر الى بيت العمده وحضر اهل القريه احتجاجا" علي الحصر بمندرة( العمده) واسلوب الموظفين الغير لائق فقرر رئيس اللجنه بانهم ماذالو يحصرون وسيتداركون الاخطاء وسيريحون كل اهل القريه فهدأ الجميع

[رمضان مكى]

الثامنه عشر
(شيخ الخفر(يا-(عمده) البوسطه داخله على المرسى فأ تجة انظار الناس ناحية النيل وهم فى زهول
لان الباخره وصلت فى ميعاد مسبق
وفيها مجموعه كبيره من الناس
اتجه الجميع الى ناحية المرسى وأطلقت(البوسطه )سرينتها المميزه
وامتلأ الشط بالمستقبلين اهل البلد
رست البوسطه رويدا رويدا ونزلت السقاله وخرج من فيها من شباب وكبار السن وتعانق الجميع واستقبلت القريه ابنائها العائدون اليها
منهم من يرى القريه لاول مره ومنهم المتردد كل عام او اثنين
اتو لتحديد مصيرهم وحصر اسمائهم
و الكل فى زهوول فاكثرهم يبكون ومتيقنون ان الهجرة امر واقع لامحال منه واقترب منى
(صالحين )وقال وصل عمك وبين زحام الاهل وصلت اليه واخذنى بالاحضان وسالنى عن الجد واخباره أيه
وعن الجده تميمه وحين الحديث وصل (عبودى) وسلم عليه واخذا امتعته
الى المنزل
فقال العم (حلفاوى)بان هناك باخرتين اخريين ستصل اليوم بعد ساعات قليله وفيها عدد لاباس به من ا لحضور هذا الحصرونحن فى الطريق
فقلت له الحمد لله على سلامة وصولكم لأن اللجنه معقده خالص ولاتريد حصر أى انسان غائب ولوكان فى البر الغربى
واتمنى ان يكون الوالد على وصول من السودان فى البوسطه القادمه من (حلفا) وصلنا المنزل وقابلتنا الجده تميمه فعانقت ابنها والدموع على عينيهاحمدالله على السلامه شايف ايه اللى حيصل فينا وانتابت بالبكاء فمسح العم دمعتها وقال المكتوب على الجبين لازم تشوفه العين يا(امى)
كل الجرايد فى مصر بتكتب عن هجرتنا والرديوهات كمان بتتكلم عن الهجره الموضوع جد
وسأل على( الجد) فقالت له ان أبوك تعبان (مندول) مش زى الاول
والله حاسس يا( أمى )والستار موجود
فدخلنا الى الجد وكان جالسا" يقرأ القرآن
(الجد مندول) (صدق الله العظيم )
فهم واقفا وعانق ابنه بحراره حمدلله على السلامه بركه بوصولكم ؟
فيه كام واحد وصلوا
(العم حلفاوى)أتعمل اجتماع كبير فى مقر الجمعيه بمصر وكل الناس حتوصل
(الجدمندول)حييجوا امته لان الموظفين بتوع الحصر مستعجلين
فتدخلت وقلت ان فى باخرتين على وشك الوصول كما قال عمى
(لجد مندول)الله يخيب ظن الحكومه انشاء الله كل البلد حيتحصروا
طا لما فى هجره وحكم القوى على الضعيف
ياجدى احنه مش ضعاف احنا اقوياء
(كلنا بنضحى من اجل مصر)
نحن نضحى من اجل ان يعيش الاخرون معنا
(الجدمندول)نضحى بالاصول مش بالطريقه اللي انت شيفه يا
(معتصم )يابنى ده اهانه لينا وهل الناس اللي بنضحى عشانهم حيعرفوا مدى تضحية النوبيين ليهم ولا حينشغلوا لرد م السد ويسيبونا لايصين فبلاد منعرفها ش.... وصحراء فىبطن الجبل لاميه فيها ولاشجر واكيد حنكون بعاد عن النيل و حياتنه مربوطه من الازل بالنيل ازاى مش حنشوف اللي كل يوم كنا بنصبح عليه ويصبح علينا ونمسى عليه ويمسى علينا
فيه مثل حقوله ليكم
فى الغابه مات الاسد وهو الي بيمثل ملك الغابه
و حب الحيونات تعمل انتخاب فالكثير منهم رشح للانتخاب من ضمنهم (القرد )رشج اسمه فضحكت جميع الحيوانات واعترضو اعلى (القرد)
اجتمع كل الحيوانات ووضعو شروط صارمه
فقالوا للقرد اذا احضرت( سبع )مكتف امامنا على الساحه فى حضوركل الحيوانات ستكون انت ملك الغابة فتحير( القرد)بهذا الامر المعقد
وذهب يبحث فى دروب الغابه
لقى (سبع) مريض وتعبان وظاهرعليه كبر سنه
اقترب (القرد) اليه وشرح له الامر و شرط (السبع )ان يحضر له كل يوم عجل كبيرخصيصا له فوافق القرد فنبسط (السبع) وكتف القرد (السبع) وحمله الى الساحه فتجمعةكل الحيوانات
واستغربوا للحدث ورشحوه ملكا" للغابه فترك القرد( السبع) ودخل فى المهرجان المقام له خصيصا"فوجد الكلب السبع مكتفا وقاله ياخساره (ياسبع )مين الي عمل فيك كده
رد (السبع) القرد كتفنى ونسانى ودخل الزحمه
رد الكلب قائلا" الي يفكك حتد يله ايه
فقال( السبع) ساعطيك نصف العجل وفكه الكلب فشرد السبع وجرى
وجرى (الكلب )خلفه وقال لقد انقضت بالوعد فرد عليه قائلا
ساترك البلد وهج فتسال( الكلب) ليه .رد السبع دىمش بلد قرد يربط وكلب يقك وباين فى بلدنا لافيه اللي يفك ولا اللي يربط والهجره حتكون بدون نظام والناس حتتعب بالشكل ده يعنى حينشغلو بردم السد ويسيبونا زى السبع لحد ما ربنه يجيب العواقب سليمه والفرج منه
يا اولادى احنه مش عارفين مين المسئول اهه لخبطه وخلاص
وسمعنا سرائن البواخر المرتقب وصولها من داخل المنزل
وخرجنا من الباب الكبير
راينا مجموعات كبيرة من اهل البلد يجرون ناحيت الشط والبعض فى فى انتظار زويهم القادمين من مصر
وبدات البواخر ترسواوأمتلاءالمرسى بمخاليق الله الغلابه المغلوبه على امرها ولاتدرى ماذا سيحدث أخذ ت حمار( عبودى) قاصدا"المرسى وجدت العم( سمبو) و(صالحين )والشباب اهل البلد يستقبلون القادمين وعلى اعينهم
دموع الاسى وتيقنو ان هجرتهم من قريتهم قد تيقنت ولاول مره ينقلب استقبال الاهل الى بكاء ونواح ولمستقبل
أرحرى مجهوله\\\\\\\\\\\\\\\\\\\\\\\\\\\\\\\\\\\\\\\\\\\
--

	التاسعه عشر

	حيره مابعدها حيره فاكثرهم لايريدون الذهاب الى منازلهم جلسوا امام امتعتهم على الرصيف رفافضين ان يرو ماسيتركوه من بلد قضو فيه صباهم وزكرياتهم وطفولتهم بين أذقة نجوعهها وقرأها بداء(صالحين )و الشباب يتحايلون عليهم للذهاب الى منازلهم بالقريه وانتشر الخبر فى القريه عامتا"بوجود هم على الرصيف كعصيان لما سيحدث حضر اعيان القريه من مشايخ وكبار السن والجد (مندول) و لن يحضر ( العمده) لوجود ضيوف الحصر فوقف الجميع للسلام عليهم فبداء الجد (مندول ) بالكلام كلنا مش عايزين نسيب بلادنه ارض الاجداد الارض الى عشنا فيها طول العمر الأرض غاليه يااولادى زى الضنه وواكتر بكتير الضنا لما يموت والموت علينا حق تتالم الاول وتنساه لان النسيان نعمه وديه سنة الحياة اما الارض لا هي اللى بتلم الحي والميت واللي حيتولد والارض بتلم الالام كمان لانه ارضك جزء منك ارضك هو عرضك ارض الغير ميلمش جرحك ومهما تكون فيها حتكون غريب وحنتوه وسط الغرب بيوتنا ونخيلنا حتروح وحتى جبالنا حتغرق أجددنا وابائنا المدفونين كمان حنسيبهم ومش حنزورهم ياريت لوحصروهم وادونا مهله نشيلهم بسى ازاى هم العايشين مش عايزين يكتبوهم احنا بنضحى عشان الغير يعيش زى مقال( معتصم ) يعنى لازم نحترم ونقدر من قبل المسؤلين وميهجرناش ينقلونا هنا جنب الميه وهم عارفين تما آلميه حتقف فين لان بيرفعو المعبد بعيد عن الميه هومه عارفين كل حاجه المصيبه أن فى ناس مؤيدين ودول السكينه سرقاهم ياولاد قوموا دلوقت على بيوتكم وستريحوا واللي على الله يكون لحد الحصر الجايه عليكم بخير ؟؟؟؟ تحرك كل الشباب الى بيوتهم بالقريه تراضيا لكبار البلد من مشايخ واعيانه ذهبت مع (الجد مندوول)الى بيت العمده كان جالسا ومعه شيخ الخفرفى الفرنده وحين وصولنا همو واقفين ايه الاخبار ياشيخ مندول فحكا له ما حدث فساله الجد امال فين الناس فقال كلهم مع اللجنه فى الحصر ظهر رئيس اللجنه مع بعض الموظفين السلام عليكم وجلسون فى الفرنده العمده ايه اخباركم (الافندى) فيه طلب بسيط (ياعمده) فطلب رئيس اللجنه بزيادة عدد الموظفين من اهل البلد لانهاء الحصر فى اقل مده ممكنه لان الناس زادت فوافق العمده وارسل شيخ الغفر لتبلغ بعض من الموظفين والمدرسين وتحركت اللجان للحصر وانتظم اهل القريه كل فى منازلهم ولكنها كانت مفاجئه وصول أهلي المغتربين بالنسبه للجنه. سمعنا صوة سرينة (البوسطه) القادمه من حلفاوبداء الناس يجرون الى المرسى لاستقبال من فيها. اطفال ونساء وشباب ينزلون من مرتفعات بيوتهم لاستقبال زويهم وكلهم ملهوفون لرايت ابنائهم القادمون .من السودان ويطمئنو لتسحيل اسمائهم ووذهبنا انا وعبودى رادفين بحماره لاستقبال (الوالدمصرى والوالده) وكان بالمرسى زحام شديد ورست البوسطه ونزل من فيها من ابناء القريه منهم من يبكون حاضنن اقربائهم ومنهم المزهول شاردا" زهنه يتامل فى الناس وفى شكل القريه يبحثون علىزويهم داخل الزحام وبداءت ابحث عن والدى وعبودى يسالنى عن جده القادم من حلفا اين جدى لانه لن يراه من ذى قبل وانتظرنا حتى ان هداء االزحام ولن يصل الوالد (مصرى)وتخيبت امالنا . وعدنا الى المنزل وبداء الجد (مندول) والجده(تميمه) يتساءلون عن سبب التاخير لابنهم وعلى وجوههم الدهشه ويكررون فى السؤال يا معتصم كل الناس مشت من المرسى . طبعا"لاوجود لاحد وبعض اهل البلد القادمين من القاهره رجعوا بعد حصرهم لذهاب الى اعمالهم لان الباخره ستكمل رحلتها الى اسوان وسالنى الجد مندول انت معرفتش حد من اللي جايين من السودان وتساله عن والدك وسبب تاخيره (معتصم)معرفتش اى حد الجده تمبمه بامندول لازم تشوف الناس الى جم من حلفاء وتسال عنه وربنا يجيب العواقب سليمه سمعنا طرقات على الباب هم عبودى جاريا لفتحه فوجد شيخ الخفر الجد مين ياولد شيخ الخفر خليه يدخل ياشيخ مندول فى تليفون عشانك فى بيت العمده -----

[رمضان مكى]

----(العشرون-)----
(الجد )أكيد( مصرى) بيتصل
فهممت معه إلى بيت العمده
(العمده )يا شيخ مندول مصرى بيتصل من السودان
(الجد) الحمد ألله مقالشى حاجه ؟
إنتظر شويه حيتصل تانى.
فجلسوا يتسامرون معا"
وبعد لحظات رن جرس التليفون جرى (شيخ الخفر) ورفع السماعه
وكلنا أذان صاغيه واقفون
ألوه- المديريه فى إشاره (ياعمده )
(العمده) استلم( الاشاره)
بدأ يكتب ويقرأ فى حينه
لقد سقطت بعض الابقار من الباخره المحمله من السودان والمتجهه إلى مصر بميناء (الشلال) فى بعض قرى النوبه مساء"
فلذابلغوا القرى المجاوره فى حينه انتهت( الاشاره)
مديريةالأمن اسوان
فضحك العمده
ونحن فى عجالة ننتظر .
فجلسنا مرة" اخرى وبدأ الجد والعمده فى تكملة حديثهم
رن جرس التليفون مره أخرى
جرى شيخ (الخفر )..
ألووه عمدة ارمنا.
فين العمده موجود حضرتك
امسك العمده التليفون اهلا" ياعمده
وبعده مكالمه طويله ضحك العمده كعادته
يقول للجد ظهر عجل فى ارمنا وبيسال لوكان تبع المزارعين بتعوعنا
ففهمته على الاشاره اللى وصلت وانها تبع الباخره
المحمله لميناء الشلال باسوان
الجد (مندول)طيب حيتصرفو اذى
(العمده ) هم احرار
رن التلفون مره اخرى مقاطعا الكلام
رفعت السماعه وكان شيخ الخفر بداخل منزل العمده
ألووه الوالد( ياجدى) فجرى ناحيتى وخطف السماعه بلهفة الاب المشتاق لابنه فينك يبنى انت بخير كويس واتأخرت ليه اخبار مراتك واولادك
يا ابنى
وهنا كلهم كويسين ومعتصم معايه هو اللى كان بيتكلم معاك
ووالدتك قلقانه عليك ياولدى .
مش مهم مش مهم الاهم صحتكم
واعطانى السماعه ألوو ه أ لووه انقطع الخط
فجلس( الجد) وقال مادار من حديث
معتصم ابوك مش حيجى لانه مخلصشى اجراءأت الاستقاله و الحكومه السودانيه رافضه الاستقاله وهو بيحاول
وحيكون الحصر الجاي بطرفنا مهما تكون الظروف
الحمدلله اطمئنينا عليه وعلى اخواتك
(العمده) الحمد لله ياشيخ مندول
ييجى بالسلامه الحصر الجايي
وبدا العمده فى حديث مع شيخ الخفر بان تعم الاشاره القادمه من المديريه كل القرى المجاوره وتبليغهم .(عولم)-
استاذن الجد من العمده وتحركنا ناحية الزراعات على جسر النيل مترجلين
وكانت الحاجه( شريفه) داخل زرعها ومعها بقرتها ترعى وبيدها منجلها التى تحش بها بعض النجييل وتضعها امام بقرتها وحين رأ تنا
تقدمت اليناوبيدها بعض من القش وباليد الاخرى منجلها تحاكى( الجد )وعلى وجهها ابتسامه وفرحه
تقول ان ربنا جاب لها ابن الحلال تقصد رئيس( اللجنه )الذى كتب لها منزل كاملا فى البلد الجديد يختص بها فقط
فسنط الجد قليلا يتحملق يمينا" ويسارا"وسند بعكازه
وكانت هناك نسمه جميله ترفرف جلبابه وجزأ من عمامته وامامنا بساط اخضر من حقول الفول ومزارع القمح واشجار الفوكه والنخيل
والطيو تتنقل من غصن الى عصن اخر فرحه باشراق يوم جديد
وامامنا النيل يمرح بخرير صوته الهادىء
يجلب الينا الحياه دون تكلفه ولا جبايه مكلفة" من الخالق لاحياء هذه البشريه التى لا تعرف الحقد ولا الكراهيه
المجتمع الوديع الذى يعيش بالفطره دون شوائب ولا خلاف
مجتمع لايعرف الماده وعيشته بسيطه
يتعايشون بالتقايد ياخذون ما يريدونه من التجار الذين يستغلون بساطتهم
يكتبوا مايريدون كدين عليهم وياخذون ما يشاؤن منهم
بطيب خاطر منهم حين جنى محاصيلهم وبالاخص فى موسم جنى البلح
فدار الجد وجهه اتجاهها
ياجاجه انتى شايفه اييه دلوقتى
فقالت فى عفوائيه وبساطه.
مش شايفه حاجه رد الجد قائلا" لما نسيب بلدنا حتشوفى كل حاجه
بسى بعد فوات الاوان
حت سيبى الأمان وحنسيب عزة النفس وحنسيب اصولنا وحتى الميتين بتوعنا
والبقره اللى.. بترعا مش حتلقى مرعا وويمكن تتسرق.
النيل اللى ماشى قدامك مش حتشوفيه
حتى جيرانك حيتغيروا.
فوقع من يدها ماتحمله من قش ومنجل دون أن تشعر--
وتغير ملامحها ووقفت وكانها سعقت وامتلأت جفونها بالدموع
واتجه الجد ناحيتى حيث كنت منصتا" لما يدور من حديث بينهم
كان في تعبان كبير ساكن فى بيت الحاجه شريفه وكل ناس النجع عارفين
ومحدش كان بيأذيه يدخل عندها فى البيت وبينام تحت الزيير
والحاجه شريفه كانت بتأكله بتسلق له البيض وكلنا كنا بنشوف المنظر ده
وهى مكنتشى بتخاف منه انا بقول الكلام ده جنبيها
التعبان خلف شوية تعابين صغيره التعابين الصغيره قتلت الكتاكيت بتاعة الحاجه شريفه الحاجه لملمت الكتاكيت فى الطرحه بتاعتها وراحت للتعبان الكبير امهم ووقفت تعاتب التعبان وتقول له
هذا جزات معروفى ليك ان اولادك يموتو كتكيتى وانا مقصرتش معاكى فى حاجه. باكلك واشربك فتحرك التعبان الضخم واتى باولاده وقتلهم امامها
وخرج من منزلها ولن يعوده مرتا اخرى ولن نراه بعد
وده قصة تعبا ن شريفه. لقد زهلت من ماسرده جدىوتيقنت اننا متصالحون حتى مع الزواحف والحيوانات فتعجبت لهذا المجتمع الفريد الذى يرفق بالحيوان حتى الزواحف منها

[رمضان مكى]

الاخ الكريم الفاضل \ خليل عيسى
تحية تقدير واعزاز لشخصك الكريم
واشكرك على قراءت( الدفه والمجداف)
قرائتك تهمنا ومررور يسعدنا ويحفذنا ويجعلنا نواصل معكم
من اجل نوبتنا الحبيبه والتى فقدناها بغدر الغاصبين
تحياتى وتقدير وتابع معنا ا لجزء الأتى
تحياتى

[رمضان مكى]

انتظرو الجزء الواحد والعشرون
من (الدفه والمجداف)