عفوا....... لن أتزوج سودانيا

[عادل هانا]

تعرفى المثل البيقول ( تمر الفكى السيدو شايلو ومشتهى )

محيرة انت وغريبة

[سارة محمد الحسن]

اقتباس:
أرسل أصلا بواسطة عادل هانا
تعرفى المثل البيقول ( تمر الفكى السيدو شايلو ومشتهى )

محيرة انت وغريبة



لا ماسمعت بيهو
وبعدين لازم تقدروا انو في ناس هنا معاكم............شهادة عربية
وشكرا

[ميسون بندى]

بسم الله الرحمن الرحيم
السلام عليكم ورحمة الله
لقد وصف الله عز وجل الزواج بالميثاق الغليظ وهو من اسمى المواثيق وقد خلق الله حواء لادم لتؤنس وحشته وخلقها منه دلالة على عدم اكتمال احدهما الا بالاخر وجعلها سكنا له وجعل بينهما مودة ورحمة لتستمر الحياة بينهما
ولو علم كل طرف منهما ما له وما عليه لما وجدت المصاعب والمشاكل وفى هذا يستوى الجميع بغض النظر عن الهوية .وتاتى بعد ذلك تاثيرات البيئة المحيطة بالزوجين فالانسان بن بيئته ومنها يتشرب سلوكه وطباعه .فالبيئة السودانيه جافة بطبيعتها ويظهر ذلك جليا فى الشخصية السودانية رجل كان او امرأة فكل منهما يفتقد الرومانسية وتكتسى ملامحه الجدية وهذا ما اكتسبناه من بيئتنا كما اسلفت.
ولكن بصفة عامة المرأة فطرت على العاطفة فكل انثى بداخلها عاطفة جياشة تختلف طرق التعبير عنها من مجتمع لاخر
فالرجل السودانى يرى ان ابداء المودة لزوجته ينتقص من رجولته وكذا المراة السودانيه تعتبر ان اظهار العاطفة دليل على الضعف ولذا نجدها دائما تخفى عاطفتها بصرامتها المصطنعة .
فعلى الزوجين التخلق باخلاق رسولنا الكريم فابتسامتك فى وجه اخيك صدقة فما بال ابتسامة الزوج لزوجته او العكس ومشاركة الزوج لزوجته فى اعمال البيت وتربية الابناء لا ينتقص من رجولته بل يضفى على حياتهما المودة وكذلك مفاجاة كل من الزوجين للاخر بهدية من حين لاخر تدخل البهجة فى النفوس تهادو تحابو والكثير من الاشياء الصغيرة التى لا تكلفنا لا مالا ولا جهدا يمكن ان تجعل من حياتنا جنة وارفة الظلال.
واخيرا يا ادم حواء مخلوق رقيق تحتاج منك الاحترام والمودة والتقدير فكلمة طيبة منك تجعلها خادمة تحت قدميك .وهمسة فى اذنك عزيزتى حواء زوجك جنتك ونارك فاعملى على ان يكون بيتك جنتك فى الدنيا وان تنالى الجنة فى الاخرة.
ولكل زوجين فاليصبر كل منا على الاخر لتسير الحياة.
جعل الله بيوتنا جميعا مستقرة وامنة وجعل الله لنا من ازواجنا واولادنا قرة اعين لنا.
تحياتى
ام روان

[fer3oon]

سلام عليكم
الخوف من المتغيرات لا يغير القدر.

[عبده محمد مكين]

نحن هنقى ولاشنوفى زمن اصلا فيهو ازمة فى الرجال ما سمعتوا الاغنية النوبية التى تقول فى احدى مقاطعها [ اذا انجبت 6 نسوة فى ليلة واحد 5 منهم يكن بنات ] اسف على الترجمة الركيكة المهم المعنى
وبعدين بنات اى دولة الحيتركن رجالهم لبنات الناس ولو كل بنات العالم حردن رجالهم تبقى الامم المتحدة تسيب مشاكل العالم وتقعد تعمل إعادة توزيع للرجال ممكن تنجح فى دى
وعشان ما تقولوا منحاز نحن مامضمنين فى الحظر لانوا اهلنا كانوا بقولوا للمتجه جنوبا ماشى السودان وماشى مصر للمتجه شمالا [طبعا دا قبل الرمية السودة فى الشرق واتلخبتت علينا الاتجاحات ]
وبعدين الرجال السودانين مالهم دا محمد على باشا بجلالة قدره جيش جيوش لفتح السودان عشان الرجال لتجنيدهم كدة قالوا فى التاريخ لكن بينى وبينك انا سمعت تحت تحت انو عشان يزوجوهم بناتهم

[محمد معتصم]

بالمناسبة مسألة الرجل السوداني بيعتقد ان المراة لم يتزوجها تصير ملكه او هو معقد لما المراءة او زوجته تكون مؤهلة علميا فيقوم يرفض ان تعمل وان تقدم شيئا للوطن الحاجات دي كانت زمان على ما إعتقد وده ماسبب كافي لرفض السوداني للزواج ... الحاجات دي ممكن تجي اذا كان الزوجين متفاهمين ..... وبعدين البنات السودانيات ماعندهم عيوب يا اخت ساره ؟؟؟؟؟؟؟؟؟؟؟
لو قعدنا نحسب ما حنخلص ومستعد اكتب ليك مجلد كامل .... أسهل شي ....
أما مسألة الخيانة دي الأنا شوفتو من الطرفين برضو من الزوجات .... يعني ما بس من الرجال .... وفي النهاية الحاجة دي مسألة تربية يعني الطالع من بيتو نظيف ما ممكن يعمل حاجة زي دي ..... لكن فعلا في سوداننا الحاجات دي كترت شديد شديد ونسأل الله السلامة ....
اختى سارة لايوجد بيننا انسان كامل .... فجوانب النقص في النفس البشرية كثيره .... فقد اقسم إبليس لله سبحانه وتعالى ( لأغوينهم أجمعين ..... ) ونستعيذ بالله من شرور ابليس .... وفي النهاية بقول ليك .... الحمدلله الذي جعلنا سودانيين ننتمى لهذه البقعة التي جعلتنا بني آدميين وناس .... الحمدلله لانه إحتكينا بالعالم وعرفنا فيما بعد السودان ربانا كيف وادانا شنو ولو ما كنا طلعنا وإحتكينا ما كنا حنعرف .... احتكينا بالخليجيين عامة .... وباليمينين والشوام وكل العرب والمصريين وبشعوب آسيا وظروف الدراسة جمعتنا بالحبش وكافة الأفارقة والهنود وظروف العمل جمعتنا بالاوربيين وغيرهم .... اكرر الحمدلله على نعمه واكبر النعم بعد الإسلام انو بقينا سودانييييييييييييييييين نوبيين ....

[نجم الدين فتوح محمد]

احســـــــــــــــــــــــــــــــــــــــــــــــ ــــــــــــن